Wakati wa vita vikubwa vya Yarmuuk, ambavyo vilikuwa chini ya uongozi wa shujaa wa Kiislamu na bingwa wa mbinu za kivita, Khaalid bin Walid (r.a), kulitokea tukio muhimu sana katika historia ya Uislamu.

Katikati ya mapambano makali, alifika mjumbe kutoka Madina akiwa na barua kutoka kwa Khalifa mpya, Sayyiduna Umar bin Khattab (r.a). Barua hiyo ilikuwa na taarifa nzito kuhusu kufariki kwa Khalifa wa kwanza wa Waislamu, Abu Bakr as-Swiddiq (r.a).

Khaalid bin Walid aliipokea barua ile akiwa kwenye mstari wa mbele wa vita. Alipoifungua na kuisoma kwa haraka, alikuta imeandikwa kwamba:

Abu Bakr (r.a) amefariki na tayari amezikwa Madina.

Khalifa mpya wa Waislamu ni Umar bin Khattab (r.a).

Na kwamba kwa uongozi na maelekezo mapya, Khaalid ameondolewa katika nafasi ya uongozi mkuu wa majeshi, na nafasi hiyo inachukuliwa na Abu Ubaidah (r.a).

KWA NINI KHAALID ALIFICHA BARUA?

Ingawa vita ilikuwa inaendelea kwa nguvu, Khaalid bin Walid hakumtajia mtu yeyote kuhusu maudhui ya barua ile. Aliificha kwa makusudi mpaka vita itakapomalizika.

Sababu yake ilikuwa ya kimkakati:
Alifahamu kuwa kama angesema wakati ule kwamba Khalifa amefariki, huenda wanajeshi wangeathirika kihisia, wakapoteza nguvu, nidhamu na umakini—na hilo lingeweza kusababisha kushindwa kwa Waislamu.

Kwa hekima na uzoefu wake wa kivita, aliamua kuendelea kuongoza mapambano hadi mwisho. Hatimaye Waislamu walishinda vita vya Yarmuuk licha ya kupoteza askari takribani elfu tatu.

Baada ya ushindi huo ndipo Khaalid aliwakusanya wanajeshi na kuwasomea barua hiyo rasmi.

MAELEZO YA BARUA YA UMAR (R.A)

Katika barua yake, Umar (r.a) aliandika wazi kuwa:

Hamuondoi Khaalid kwa sababu ya chuki au tofauti binafsi.

Bali anafanya hivyo kwa hekima na maslahi ya watu, kwa kuwa Khaalid alikuwa shujaa, mwenye kasi na nguvu kubwa katika mapambano, kiasi kwamba baadhi ya watu waliogopa ukali wa mbinu zake.

Umar aliona ni busara kuweka uongozi wa kijeshi mikononi mwa Abu Ubaidah (r.a), ambaye alikuwa mtulivu zaidi na mpole kwa watu.

Huu ndio ukweli wa kusudio la Umar (r.a) hakuna uhasama, bali ilikuwa ni hatua ya kiutawala na ya huruma kwa maslahi ya Umma.

TAARIFA ZA ZIADA ZA KIHISTORIA

Mtume Muhammad (s.a.w) alifariki mwaka wa 11 Hijria.

Abu Bakr (r.a) alifariki mwaka wa 13 Hijria.

Hivyo Ukhalifa wake uliendelea kwa takribani miaka miwili.

Baada ya kufariki Mtume (s.a.w), Maswahaba waliendelea kuutangaza Uislamu kwenye maeneo mbalimbali duniani.

Wapo waliotumwa hadi Afrika, na riwaya zinazotajwa kuhusu kufika kwao maeneo kama Kilwa zinaonyesha jinsi jitihada za kuitangaza dini zilivyokuwa pana na zenye kujitolea.

Lengo lao lilikuwa kuifikisha dini ya Allah duniani kote, na kuendeleza kazi ambayo Mtume (s.a.w) aliiongoza katika uhai wake.

Kama umesoma mpaka mwisho, baasi usiondoke bila kuacha athari kwa mkono wako kuandika moja miongoni mwa majina matukufu 99 ya "ALLAH " Subhaanahu wataala na Allah atakubariki zaidi 🤲♥️☝️✅️

#SufianMzimbiri