Ciara aliachia tabasamu kisha akautoa mkono wake kifuani kwa Mike

"Sielewi inakuaje lakini muda mwingi macho yanazungumza ukweli..."

"Kwahiyo utanipa K..."

Ciara aliachia tabasamu kwa mara nyingine kutokana na swali aliloulizwa

"Mimi ni Mtumwa wako sina jeuri ya kukataa nadhani ndio uliniambia hivi ile siku umeninunua"

Vile Mike alikuwa katika hali ya matamanio, alimsogeza karibu Ciara wakaanza kubadilishana mate.

Mlango ulikuwa umeegeshwa tu ile Suzy anaingia alishtuliwa na tendo lililokuwa linaendelea.

Ilimlazimu kuomba msamaha kisha akasimama mlangoni kuweka Ulinzi.

Sauti ya Mike akionekana kufurahia tendo ilipenya masikioni mwake.
Kuna namna moyo wake uliumia lakini hakuwa na jinsi zaidi ya kuvumilia.

"Ulitamani uwe nani kwenye maisha yako endapo ungekuwa na uwezo" Mike alimtupia swali Ciara baada ya kumaliza haja yake

"Tofauti na kumpikia chakula kizuri Jessa sijawahi kutamani kuwa mtu fulani kwenye maisha yangu"

Kabla Mike hajatia neno lolote simu yake iliita,

"Unaweza kwenda nyumbani tutaonana baadae...leo pia utalala chumbani kwangu" Mike aliongea

Ciara aliachia tabasamu kisha akataka kuondoka lakini Mike alimrudisha.

Taratibu alivuta droo yake akampatia kibunda cha pesa. Vile Mike ni bahili hakuelewa kwanini hata anatoa pesa zake tena kwa Mtumwa.

Ciara aliondoka zake, Mike ndio kukumbuka kumpigia Mama yake

"Hallooo Mama..."

"Hakikisha unawahi kurudi nyumbani siku ya leo, tayari nipo nyumbani kwako" Katy (Mama yake Mike) aliongea kisha akakata simu

Mike aliachia tabasamu kujua Mama yake yupo nyumbani, ni miaka mitano imepita sasa bila kumuona Mama yake

Ciara anarejea kwenye jengo la Mike, anashangazwa na namna Watumwa wenzake walivyokuwa na heka heka

"Nyumba hii chafu sijapata kuona! msiniambie Kijana wangu huwa anawanyima chakula mpaka muwe majeuri namna hii. Na hata kama anawanyima chakula hamna haki ya kufanya ujeuri nyie ni watumwa tu" Katy alifoka

Isingekuwa rahisi kwa Ciara kumpita bila kumsalimia, alitoa salamu akiwa katika uso wa kujiamini

Vile Katy ni mkorofi, alimsogelea akamchania tisheti yake. Lengo lilikuwa ni kujua yeye ni nani.
Baada ya kuiona alama ya jina Mike mgongoni kwake aliutambua wadhifa wake

"Unawezaje kuzungumza na Mimi ukiwa umenikazia macho?....pengine hujui Mimi ni nani nitakusaidia katika hilo. Mimi ni Mama yake Mike....heshima unayompatia Mike unatakiwa kunipatia pia...." Katy aliongea

Ciara alitikisa kichwa kuashiris ameelewa

"Kazi yako ni ipi mahali hapa..."

"Ni Mpishi.."

"Naomba wewe pamoja na wenzako muandae chakula cha jioni" Katy aliongea kisha akaondoka

Basi watumwa wote wanaohusika na upishi waliingia jikoni kusaidiana na Ciara.

Anashindwa kuelewa kwanini wenzake wanafanya kazi huku wakitetemeka.

"Naweza kujua kwanini nyie wote mnatetemeka, angalia huyo mwingine hadi amejikata na kisu..."

"Katy ni katili, kama hatafurahia chakula chetu tutakiona cha mtemakuni..." Mmoja wa watumwa aliongea

"Nyie wote naomba mkae pembeni nitapika hiki chakula mwenyewe...." Ciara aliongea kwa kujiamini

Basi Watumwa wote wapishi walikaa pembeni wakamuachia jiko Ciara

Upande wa Katy aliamuru anolewe kisu cha kukata vidole wapishi wote watumwa endapo watashindwa kupika chakula chenye ladha anayotaka yeye

Itaendelea 💥
Full 2000
Whatsapp 0657171961
KWETU Morogoro