"Kuna shida gani...."

"Ciara ametoroka, sina uhakika kama nitampata tena" Mike aliongea huku akihisi kukosa hewa

Pumzi zilimuishia alijikuta akipoteza fahamu.
Alikuja kushtuka akiwa chumbani kwake

"Umeamka..." Suzy aliuliza

"Naomba umtafute Ciara kama usipompata naomba usirudi pia, mkataba wetu ndio utakuwa umeishia hapo"

"Nitajitahidi kadiri ya uwezo wangu" Suzy aliongea kisha akaondoka

Akiwa anashuka ngazi Katy alimsimamisha

"Kitu gani kinaendelea...."

"Ciara katoroka hivi tunavyo zungumza naenda kumtafuta....kama sitampata sitaweza kurudi hapa" Suzy aliongea kisha akaendelea na safari yake

Katy aliachia tabasamu, bila kupoteza muda alielekea chumbani kwa Jessa ambaye kwa sasa anaishi kama Mtoto wa Mfalme

"Mike yupo katika wakati mgumu ni wakati wa wewe kuiba moyo wake. Kama hautafanikiwa kwa sasa kamwe hautaweza kuiba moyo wake"

"Ni kitu gani natakiwa kufanya...."

"Mike hawezi kukaa ndani masaa 24 ni lazima ataenda bustanini kupumzika.... hakikisha unaitumia hii nafasi vizuri"

Jessa alitikisa kichwa kuashiria ameelewa

Ni kweli baada ya Mike kuona kama anakosa hewa hivi alienda bustanini kupumzika.

Jessa baada ya kumshuhudia alivaa nguo za kimtego, alivunga kama hafahamu kuwa Mike yupo bustanini.

Aliingia taratibu swimming pool akaanza kuogelea, ghafla tu alianza kupiga kelele akijitia kwenye maji kuna hatari

Mike wala hakujali aliangalia jicho moja tu kisha akaendelea kutazama nyota wa angani

Katy ndio kuja mbio mbio, aliingia kwenye maji akamtoa

"Hakika una roho ngumu sana wewe mtoto, usitake kuniambia hukusikia kelele za Jessa" Katy alifoka

"Hiyo ni bidhaa yangu hata kama itaharibika nayepata hasara ni Mimi siyo wewe hivyo acha kuteseka" Mike aliongea akataka kwenda ndani lakini Katy alimsubirisha

"Vipi kwani umekuwa na ubaguzi siku hizi!....huyu ni Mtumwa wako sawa na Ciara kwanini hujali kuhusu yeye"

"Thamani ya Ciara haiwezi kulingana na mtu yoyote unayefikiria wewe.... naelewa kwanini unamshikiria huyo Binti kama yai. Siku ya leo nitakuambia ukweli.... ndiyo ni mrembo lakini hana vigezo vya kuwa na Mimi" Mike aliongea kisha akaondoka

Katy aliishia kukodoa macho, hivyo hivyo kwa Jessa yeye pia alisalia kukodoa macho tu.

Upande mwingine, Suzy alimtafuta sana Ciara kiasi cha kukata tamaa lakini kila akikumbuka anatamani kuwa karibu na Mike alipita huku na kule kumtafuta.

Mike alizidi kuumia moyo wake, kama Ciara angeona namna Mike anavyoteseka nadhani angerudi upesi

Ciara anaamua kulipa pesa kwa watu wengine ili waweze kumsaidia. Lakini pamoja na yote bado ilikuwa ni changamoto

Anaamua kutengeneza uvumi wa uongo kuwa Jasinta kajinyoga.

"Kama hajaondoka kwenye huu Mji naamini atajitokeza nyumbani kwa Shangazi yake" Suzy alijisemea ndani ya moyo wake kisha akaenda kukaa karibu na nyumba ya Jasinta

Muda ulizidi kwenda bila Ciara kutokea.
Akiwa katika hali ya kukata tamaa alifanikiwa kumuona Ciara akiwa mwenye haraka.

"Mbwa huyu hakika anampenda Shangazi yake kuliko kitu chochote...." Suzy alijisemea kisha akarusha wavu

Ciara alishtukia anakamatika kama samaki kwenye nyavu.

"Nimekutafuta muda mrefu sana panya wewe, ahsante kwa kujileta" Suzy aliongea kisha akamzimisha Ciara

Alimbeba begani akamuingiza kwenye gari, safari ya kwenda kwenye jengo la Mike ilianza.

Mike akiwa ametulia ndani analetewa taarifa kuhusu ujio wa Suzy.

Anaachia tabasamu pana usoni mwake, kwa hasira alizokuwa nazo za kutikiswa moyo wake alibeba mjeledi kisha akaelekea getini kumpokea Ciara

Itaendelea 💥
Full 1000
Whatsapp 0657171961
KWETU Morogoro